Temas

Sanadad psichica

GORILLA vul rinforzar la cumpetenza da sanadad dad umans giuvens. En il sectur da la sanadad psichica ans orientain nus a las cumpetenzas da viver da la WHO che van a prà cun las cumpetenzas transversalas dal plan d’instrucziun 21.

Ulteriuras infurmaziuns
Unitads d’instrucziun e tips (tudestg)

Gestiun dal stress e percepziun da sasez

En il center da quest atelier stattan la percepziun da sasez e la premura sco era la gestiun dal stress. A l’entschatta ha lieu in barat entaifer la gruppa per dumondas sco: Tge gida d’as schluccar? Co pon ins evitar stress? En la segunda part suonda in exercizi da sa schluccar guidà che vegn fatg en la gruppa. Lura cuntinuescha il di da maniera schluccada. Quest atelier po vegnir integrà sco exercizi final en in workshop da Freestyle d’in mez di.

Infrastructura necessaria

Halla da gimnastica, aula u sala da chant

Durada

30min

Ulteriurs cuntegns gratuits davart il tema​

Per persunas d’instrucziun:
Das war heute gut (tudestg)
Denkcap (Ohrmassage) (tudestg)

Per giuvenils:
Take it easy (tudestg)

Da reservar sco:

Part din workshop d’in di

Senza fund (Teambuilding)

Qua vegnan tractadas las cumpetenzas “abilitad da relaziuns” ed “abilitad da schliar problems”. Ensemen en ina gruppa sto vegnir dumagnà in percurs d’impediments senza tutgar il fund. I na va betg per tgi che è pli spert, mabain che l’entira gruppa dumogna il pensum. Quai promova il sentiment da cuminanza e mussa co ch’ins po schliar in problem communablamain. Suenter suonda ina part da reflexiun davart quai che è gist succedì, inclusiv la pussaivladad dad applitgar las experientschas emprendidas en il mintgadi (da scola).

Infrastructura necessaria

Halla da gimnastica cun urdains da sport

Durada

30min

Ulteriurs cuntegns gratuits davart il tema

Per persunas d’instrucziun:
Bodenlos (tudestg)
Klassen-Tasse (tudestg)

Per giuvenils:
Vertrauensspiel (tudestg)
Balancieren (tudestg)

Da reservar sco:

Part din workshop d’in di

Improvisaziun da teater (regulaziun dad emoziuns)

Tar quest atelier stat en il center la regulaziun dad emoziuns. En gruppas pitschnas vegnan tematisadas, exercitadas e lura preschentadas differentas situaziuns dal mintgadi cun differentas emoziuns sco ravgia, stress, tristezza u plaschair. Co ha mes visavi reagì? Co savessan ins era reagir auter? La discussiun davart il cumportament en differentas situaziun cumplettescha las curtas preschentaziuns.

Infrastructura necessaria

Stanza da scola

Durada

30min

Ulteriurs cuntegns gratuits davart il tema

Per persunas d’instrucziun:
Upside-Down-Challenge (tudestg)
Feedback (tudestg)

Per giuvenils:
Emotionen-Freeze (tudestg)

Da reservar sco:

Part din workshop d’in di

Viver cun emoziuns

In coach da GORILLA concepescha ina lecziun dubla cun ils giuvenils davart il tema sanadad psichica e promoziun da la cumpetenza da viver “regulaziun dad emoziuns”. Emoziuns èn ina part da nus, ellas ans mainan, san impedir nus u ans dar schlantsch. En il discurs e cun metodas ludicas emprendan las participantas ed ils participants dad enconuscher ed inditgar atgnas emoziuns e da quellas estras. Ins elavura da cuminanza ideas per ina regulaziun dad emoziuns constructiva en situaziuns dal mintgadi determinadas en furma d’ina improvisaziun da teater.

Infrastructura necessaria

Halla da gimnastica, aula, sala da chant

Durada

Lecziun dubla (1.5h)

Ulteriurs cuntegns gratuits davart il tema

Per persunas d’instrucziun:
Superkräfte (tudestg)
Ich-Collage (tudestg)

Per giuvenils:
Marathon (tudestg)

Da reservar sco:

Workshop cumbinà

Input relax

Ils giuvenils s’occupan cun il tema dal stress en il mintgadi. Els emprendan dad analisar differentas situaziuns da stress e barattan ideas davart strategias pussaivlas da dumagnar quellas situaziuns.

Infrastructura necessaria

Stanza da scola

Durada

30 min

Ulteriurs cuntegns gratuits davart il tema

Per persunas d’instrucziun:
Take it easy (tudestg)

Da reservar sco:

Workshop da moviment/da Freestyle, Workshop Combi, Introducziun dal Playground, Introducziun dal Pumptrack

Survista dals temas da GORILLA

sport da Freestyle

Nutriment

Persistenza