Sports da Freestyle

Capoeira è cumbat, musica, saut, acrobatica, istorgia e plaschair en ina. Sclavs africans che han cumbattì per lur libertad en Brasilia il 17avel tschientaner han cumenzà a sviluppar Capoeira. Per sa proteger dad aspectaturs mirveglius, han els furmà in rudè, ina “roda”. Vitiers vegniva fatg musica e chant. Uschia ha Capoeira pudì vegnir zuppentà bain sco saut betg privlus. Il saut sa cumpona da figuras acrobaticas e da sigls auts cun rotaziun, ed ils dus Capoeiristas ston mintgamai reagir spert sin ses visavi.

Infrastructura necessaria

Halla da gimnastica, sala da chant u aula cun tecnica da musica (in fund da la halla da gimnastica, in fund da parchet u in auter fund antiglischnant è indispensabel).

Da reservar sco:

Part din workshop d’in di
Workshop da moviment/da Freestyle
Workshop cumbinà

Cun in bike san ins far bler da pli che mo ir a scola: surpassar ragischs e crappa, charrar en stortas taissas, far sigls u emprender trics – quai èn mo in pèr pussaivladads. Insatge e dentant franc: Uschespert ch’il bike banduna la via asfaltada, entschaiva il plaschair pir da dretg! En maniera ludica famigliarisescha GORILLA ils giuvenils cun ils fundaments, cun ils aspects da segirtad sco era cun las emprimas experientschas en il terren. I vala l’obligatori da chapellina.

Infrastructura necessaria

Plazza (da pausa) asfaltada, Bikerpark, Pumptrack, Trails

Ulteriurs cuntegns gratuits davart il tema

Per persunas d’instrucziun:
GORILLA Tipps "Bike - erste Skills für die Schule" (tudestg)

Per giuvenils:
Tutorials (tudestg)

Da reservar sco:

Workshop da moviment/da Freestyle
Workshop cumbinà
Introducziun dal Pumptrack
Introducziun dal Playground

Tgi che fa Parkour vesa l’ambient cun auters egls. Finamira èsi da surventscher impediments uschè effizient sco pussaivel e da chattar novas vias – sur balustradas e stgalas, per lung da mirs e sur quels ora. En il workshop vegnan trenadas las tecnicas da basa sco siglir, rudlar, raiver u ballantschar. La tenuta mentala è era impurtanta. Ultra da la cumponenta sportiva sa tracti era dad esser creativ, da rinforzar la fidanza en sasez e da collavurar en il team tar quest art da sa mover da maniera effizienta.

Infrastructura necessaria

Plazza da pausa, plazza da gieus, guaud u halla da gimnastica (opziun da malaura)

Ulteriurs cuntegns gratuits davart il tema​

Per persunas d’instrucziun:
Unterrichtseinheit (tudestg)

Per giuvenils:
Tutorials (tudestg)

Da reservar sco:

Part din workshop d’in di
Workshop da moviment/da Freestyle
Workshop cumbinà

Tar quest sport intermedieschan ils coachs da GORILLA d’ina vart la basa per entschaiver cun il Streetskating u Longboardin, da l’autra vart san persunas avanzadas mussar novs trics e novas tecnicas. Ils basics entschaivan cun exercizis d’equiliber, guidar e franar da maniera simpla sco era cun la tecnica da stortas ed infos davart la segirtad da guidar. Alura vegn exercità il “Ollie”, in tric da basa che è era il fundament per tut ils ulteriurs inschigns. I vala l’obligatori da chapellina. Il workshop po mo vegnir realisà cun aura sitga.

Infrastructura necessaria

Plazza (da pausa) planiva ed asfaltada, ina via serrada u in implant da Skateboard

Ulteriurs cuntegns gratuits davart il tema

Per persunas d’instrucziun:
Unterrichtseinheit (tudestg)

Per giuvenils:
Tutorials (tudestg)
Skaten mit den Rookie Girls (tudestg)

Da reservar sco:

Part din workshop d’in di
Workshop da moviment/da Freestyle
Workshop cumbinà
Introducziun dal Pumptrack
Introducziun dal Playground

Ultimate è in sport da squadra rasant e creativ, forsa il sport il pli spert sin pastget u sin sablun insumma! En il curs emprendan ils giuvenils da maniera ludica las bittadas da basa back-hand, sidearm ed overhead. Ultra da la tecnica da bittar cun il disc vegnan intermediadas era la chapientscha dal spazi e dal gieu, la cumpetenza da team ed il fairplay. En il workshop vegnan era giugads
matschs, i va qua per dar propi tut!

Infrastructura necessaria

Pastget, plazza da ballape u halla da gimnastica (opziun da malaura)

Ulteriurs cuntegns gratuits davart il tema

Per persunas d’instrucziun:
Unterrichtseinheit (tudestg)

Per giuvenils:
Tutorials (tudestg)

Da reservar sco:

Part din workshop d’in di
Workshop da moviment/da Freestyle
Workshop cumbinà

Enstagl da far gols cun la balla, schonglain nus cun ella. Tar differents trics ballantschain nus la balla sin il chau u sin la tatona u che nus la schonglain cun la schanuglia, cun ils pes u cun autras parts dal corp. Ballape – Freestyle vala sco disciplina da sport autonoma nua ch’i va per la creativitad e che scolescha l’inschign e la controlla da la balla. En il curs emprendan ils giuvenils la basa dal schonglar cun numerus trics sco p.ex. tegnair la balla sin la tatona e far latiers puntettas, trics giaschend, sesend e blers auters.

Infrastructura necessaria

Plazza (da pausa) asfaltada, plazza cotschna, pastget u halla da gimnastica (opziun da malaura)

Ulteriurs cuntegns gratuits davart il tema​

Per persunas d’instrucziun:
Unterrichtseinheit (tudestg)

Per giuvenils:
Tutorials (tudestg)

Da reservar sco:

Part din workshop d’in di
Workshop da moviment/da Freestyle
Workshop cumbinà

Sche la ballantscha sin il Balance Board funcziunescha, datti d’emprender ina massa da trics, sumegliant sco tar il Sskateboard. Cun il board u mo cun la rolla u era sin in pitschen percurs, sin ina chomma u en autras posiziuns dal corp – ins sa far rotaziuns, sigls, exercizis da stabilisaziun e gieus da gruppa. La fitness e la creativitad vegnan promovidas. Ina buna ballantscha na reducescha betg mo il ristg da crudar, ella è era buna per corp ed olma.

Infrastructura necessaria

Plazza (da pausa) asfaltada, plazza cotschna, pastget u halla da gimnastica/sala da chant (opziun da malaura)

Ulteriurs cuntegns gratuits davart il tema

Per persunas d’instrucziun:
GORILLA Tipps (tudestg)

Per giuvenils:
Tutorials (tudestg)

Da reservar sco:

Part din workshop d’in di
Workshop da moviment/da Freestyle
Workshop cumbinà